Дорогие друзья! Наша книга по новозаветной текстологии уже вышла, и ее можно приобрести. Детали здесь
Главная » Библия » Еврейский Танах (на еврейском языке) » תהלים (Псалтирь)
| לַמְנַצֵּחַ, לְדָוִד בַּיהוָה חָסִיתִי, אֵיךְ תֹּאמְרוּ לְנַפְשִׁי; נוּדוּ (נוּדִי), הַרְכֶם צִפּוֹר׃ | |
| כִּי הִנֵּה הָרְשָׁעִים יִדְרְכוּן קֶשֶׁת, כּוֹנְנוּ חִצָּם עַל־יֶתֶר; לִירוֹת בְּמוֹ־אֹפֶל, לְיִשְׁרֵי־לֵב׃ | |
| כִּי הַשָּׁתוֹת יֵהָרֵסוּן; צַדִּיק, מַה־פָּעָל׃ | |
| יְהוָה בְּהֵיכַל קָדְשׁוֹ, יְהוָה בַּשָּׁמַיִם כִּסְאוֹ עֵינָיו יֶחֱזוּ; עַפְעַפָּיו יִבְחֲנוּ, בְּנֵי אָדָם׃ | |
| יְהוָה צַדִּיק יִבְחָן וְרָשָׁע וְאֹהֵב חָמָס; שָׂנְאָה נַפְשׁוֹ׃ | |
| יַמְטֵר עַל־רְשָׁעִים, פַּחִים אֵשׁ וְגָפְרִית וְרוּחַ זִלְעָפוֹת, מְנָת כּוֹסָם׃ | |
| כִּי־צַדִּיק יְהוָה צְדָקוֹת אָהֵב; יָשָׁר, יֶחֱזוּ פָנֵימוֹ׃ |