Дорогие друзья! Наша книга по новозаветной текстологии уже вышла, и ее можно приобрести. Детали здесь
Главная » Библия » Еврейский Танах (на еврейском языке) » ישעיהו (Исайя)
| וְאָמַרְתָּ בַּיּוֹם הַהוּא, אוֹדְךָ יְהוָה, כִּי אָנַפְתָּ בִּי; יָשֹׁב אַפְּךָ וּתְנַחֲמֵנִי׃ | |
| הִנֵּה אֵל יְשׁוּעָתִי אֶבְטַח וְלֹא אֶפְחָד; כִּי־עָזִּי וְזִמְרָת יָהּ יְהוָה, וַיְהִי־לִי לִישׁוּעָה׃ | |
| וּשְׁאַבְתֶּם־מַיִם בְּשָׂשׂוֹן; מִמַּעַיְנֵי הַיְשׁוּעָה׃ | |
| וַאֲמַרְתֶּם בַּיּוֹם הַהוּא, הוֹדוּ לַיהוָה קִרְאוּ בִשְׁמוֹ, הוֹדִיעוּ בָעַמִּים עֲלִילֹתָיו; הַזְכִּירוּ כִּי נִשְׂגָּב שְׁמוֹ׃ | |
| זַמְּרוּ יְהוָה, כִּי גֵאוּת עָשָׂה; מְיֻדַּעַת (מוּדַעַת) זֹאת בְּכָל־הָאָרֶץ׃ | |
| צַהֲלִי וָרֹנִּי יוֹשֶׁבֶת צִיּוֹן; כִּי־גָדוֹל בְּקִרְבֵּךְ קְדוֹשׁ יִשְׂרָאֵל׃ פ |