Дорогие друзья! Мы нуждаемся в пожертвованиях на издание нашей книги по Новозаветной Текстологии.
Детали здесь
Детали здесь
Главная » Библия » Еврейский Танах (на еврейском языке) » תהלים (Псалтирь)
| מִזְמוֹר לְדָוִד; בְּבָרְחוֹ, מִפְּנֵי אַבְשָׁלוֹם בְּנוֹ׃ | |
| יְהוָה מָה־רַבּוּ צָרָי; רַבִּים, קָמִים עָלָי׃ | |
| רַבִּים אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה׃ | |
| וְאַתָּה יְהוָה מָגֵן בַּעֲדִי; כְּבוֹדִי, וּמֵרִים רֹאשִׁי׃ | |
| קוֹלִי אֶל־יְהוָה אֶקְרָא; וַיַּעֲנֵנִי מֵהַר קָדְשׁוֹ סֶלָה׃ | |
| אֲנִי שָׁכַבְתִּי, וָאִישָׁנָה הֱקִיצוֹתִי; כִּי יְהוָה יִסְמְכֵנִי׃ | |
| לֹא־אִירָא מֵרִבְבוֹת עָם; אֲשֶׁר סָבִיב, שָׁתוּ עָלָי׃ | |
| קוּמָה יְהוָה הוֹשִׁיעֵנִי אֱלֹהַי, כִּי־הִכִּיתָ אֶת־כָּל־אֹיְבַי לֶחִי; שִׁנֵּי רְשָׁעִים שִׁבַּרְתָּ׃ | |
| לַיהוָה הַיְשׁוּעָה; עַל־עַמְּךָ בִרְכָתֶךָ סֶּלָה׃ |